सुंदरकांड

जानउँ मैं तुम्हारि प्रभुताई।
सहसबाहु सन परी लराई।।

समर बालि सन करि जसु पावा।
सुनि कपि बचन बिहसि बिहरावा।।

खायउँ फल प्रभु लागी भूँखा।
कपि सुभाव तें तोरेउँ रूखा।।

सब कें देह परम प्रिय स्वामी।
मारहिं मोहि कुमारग गामी।।

जिन्ह मोहि मारा ते मैं मारे।
तेहि पर बाँधेउ तनयँ तुम्हारे।।

मोहि न कछु बाँधे कइ लाजा।
कीन्ह चहउँ निज प्रभु कर काजा।।

बिनती करउँ जोरि कर रावन।
सुनहु मान तजि मोर सिखावन।।

देखहु तुम्ह निज कुलहि बिचारी।
भ्रम तजि भजहु भगत भय हारी।।

जाकें डर अति काल डेराई।
जो सुर असुर चराचर खाई।।

तासों बयरु कबहुँ नहिं कीजै।
मोरे कहें जानकी दीजै।।

देह बिसाल परम हरुआई।
मंदिर तें मंदिर चढ़ धाई।।

जरइ नगर भा लोग बिहाला।
झपट लपट बहु कोटि कराला।।

तात मातु हा सुनिअ पुकारा।
एहिं अवसर को हमहि उबारा।।

हम जो कहा यह कपि नहिं होई।
बानर रूप धरें सुर कोई।।

साधु अवग्या कर फलु ऐसा।
जरइ नगर अनाथ कर जैसा।।

जारा नगरु निमिष एक माहीं।
एक बिभीषन कर गृह नाहीं।।

ता कर दूत अनल जेहिं सिरिजा।
जरा न सो तेहि कारन गिरिजा।।

उलटि पलटि लंका सब जारी।
कूदि परा पुनि सिंधु मझारी।।

नाथ कृपा करि पूँछेहु जैसें।
मानहु कहा क्रोध तजि तैसें।।

मिला जाइ जब अनुज तुम्हारा।
जातहिं राम तिलक तेहि सारा।।

रावन दूत हमहि सुनि काना।
कपिन्ह बाँधि दीन्हे दुख नाना।।

श्रवन नासिका काटै लागे।
राम सपथ दीन्हे हम त्यागे।।

पूँछिहु नाथ राम कटकाई।
बदन कोटि सत बरनि न जाई।।

नाना बरन भालु कपि धारी।
बिकटानन बिसाल भयकारी।।

जेहिं पुर दहेउ हतेउ सुत तोरा।
सकल कपिन्ह महँ तेहि बलु थोरा।।

अमित नाम भट कठिन कराला।
अमित नाग बल बिपुल बिसाला।।

सुनत सभय मन मुख मुसुकाई।
कहत दसानन सबहि सुनाई।।

भूमि परा कर गहत अकासा।
लघु तापस कर बाग बिलासा।।

कह सुक नाथ सत्य सब बानी।
समुझहु छाड़ि प्रकृति अभिमानी।।

सुनहु बचन मम परिहरि क्रोधा।
नाथ राम सन तजहु बिरोधा।।

अति कोमल रघुबीर सुभाऊ।
जद्यपि अखिल लोक कर राऊ।।

मिलत कृपा तुम्ह पर प्रभु करिही।
उर अपराध न एकउ धरिही।।

जनकसुता रघुनाथहि दीजे।
एतना कहा मोर प्रभु कीजे।।

जब तेहिं कहा देन बैदेही।
चरन प्रहार कीन्ह सठ तेही।।

नाइ चरन सिरु चला सो तहाँ।
कृपासिंधु रघुनायक जहाँ।।

करि प्रनामु निज कथा सुनाई।
राम कृपाँ आपनि गति पाई।।

रिषि अगस्ति कीं साप भवानी।
राछस भयउ रहा मुनि ग्यानी।।

बंदि राम पद बारहिं बारा।
मुनि निज आश्रम कहुँ पगु धारा।।